રાજનીતિનાં રોટલા

અરે ! હમણાં તો ઘણાં બધાં
કહેતાં હતાં કે રાજનીતિનાં રોટલા શેકે છે એ
આહ...
કદાચ એવું નથી એ લુચ્ચાઓ
આપણી લાગણીઓ શેકે છે
આપણાં કહેવાતો આત્મા શેકે છે
મજૂર અને કિસાનોની હથેળીઓ
શેકવામાં એમને ક્યાં કશું છોડ્યું છે ?
જેટલું શેકાય એટલું બધુ જ શેકી નાંખે છે
જાત બચાવીને
અમે મૂર્ખ ! પેલાં ઘેટાંઓથી પણ ઉતરેલા
બધુ શેકાય રહ્યુ છે છતાં જોઇ રહ્યાં છીએ
વિસ્મયભરી આંખે
ડફોળ બનવાની આદત આડે આવે છે
નહીં તો....

#અજનબી